السلام عليكم ورحمة الله وبركاته يا ساده كيفك اليوم وشو اخباركم
في كثير من الاحيان بتظهر النا مشكلة انه الجهاز بيبطل يدخل على الويندوز وبيبقى على الشاشة السوداء اللي قبل الويندوز وبتطلع رسالة بتقول NTLDR is missing
في هاي الحالة الغالبية العظمى من الناس وحتى فنيي الصيانه والمسؤولين عن صيانة الاجهزة بيقوموا بعمل اعادة تنزيل للويندوز او حتى بيفرمتوا الجهاز ليحلوا المشكلة مع انها في 90% من الحالات اللي بتظهر فيها هالرسالة ممكن تنحل خلال 5 دقائق فقط وبدون ما تضطر لتنزيل الويندوز او خسارة ملفاتك
والطريقة كالتالي
1- بندخل Windows XP bootable CD في الجهاز ز وبنشغل الجهاز من اول وجديد
2- ولما يطلب منك الجهاز انك تضغط على اي كبسة لتشغل من الCD بالعبارة اللي بتقول (press any key to boot from the CD)
اكبس اي كبسة على لوحة المفاتيح
3- وهلا عند اول شاشة الك بتطلب من تنزل ويندوز او تعمل اصلاح للويندوز (repair ) اكبس حرف ال (R)
4-بعدين بتختار الدخول للويندوز اللي نازلة على جهازك باختيار الرقم (1) يعني اضغط واحد وبعدين Enter
5- ساعيتها بيطلب منك كلمة المرور للمستخدم (Administrator ) اذا كان في كلمة مرور دخلها واذا ما في لا تدخل شي واكبس Enter
6- وهون بنوصل للحكي الجد هلا بتظهر عندك علامة بنسميها الروت (Root) واللي هي بالشكل التالي c:\windows
هلا مباشرة بتنسخ الملفات NTLDR و ntdetect.com بالطرريقة التالية
على فرض انه رمز ال CD DRIVE عندك هو ( E )
\:copy e:\i386\ntldr c هذا للاول
\:copy e:\i386\ntdetect.com c وهذا للتاني
هلا مباشرة مجرد ما تخلص شيل الCD من الجهاز واعمل اعادة تشغيل جهاز وان شاء المولى بيشتغل بدون مشاكل
وسلامتكم واتمنى للجميع دوام الصحة والعافية